Алатау қаласының прокуратурасын Бауыржан Молдажан басқарды, деп хабарлайды Almaty.news ақпарат агенттігі.
Бұл туралы 2026 жылғы 10 шілдеде Алматы облыстық прокуратурасында мәлімдеді. Бауыржан Молдажан прокуратура органдарындағы еңбек жолын 2007 жылғы сәуірде Алматы облысы Қарасай ауданы прокурорының көмекшісі лауазымынан бастаған.
Әр жылдары Алматы қаласы прокуратурасы басқармасының прокуроры және аға прокуроры, Алматы прокуратурасы бөлімінің бастығы, Алматы Бостандық ауданы прокурорының орынбасары, Алматы қаласы прокурорының аға көмекшісі, сондай-ақ Алматы Алатау ауданының прокуроры қызметтерін атқарған.
Сыныптық шені: әділет аға кеңесшісі.
2026 жылғы 7 шілдеде мемлекет басшысы Берік Асыловты Қазақстан Республикасының Бас прокуроры лауазымына қайта тағайындады.
Дереккөз: Zakon.kz