Аида Балаева сала өкілдерін кәсіби мерекемен құттықтай отырып, мемлекет басшысының атынан табысталған наградалар мәдениет пен өнер саласындағы мамандардың жанқиярлық еңбегіне, кәсіби адалдығына және ұлттық мәдениетті дамытуға қосқан үлесіне берілген жоғары баға екенін атап өтті, деп хабарлайды Almaty.news ақпарат агенттігі.
Мемлекет басшысының атынан мәдениет пен өнер саласындағы өкілдерге 60 пәтер кілті табысталды. Тұрғын үй қолдауын алғандардың арасында жетекші театрлар, музыкалық ұжымдар, білім беру мекемелері, кітапханалар, архивтер, мұражайлар, баспа және әдеби сала өкілдері, сондай-ақ мәдениет мекемелерінің тұрақты жұмысын қамтамасыз ететін мамандар бар.
Кеше бес адам мемлекет басшысының қолынан тұрғын үй сертификаттарын алды.
Ал бүгін Алматыда Аида Балаева президент атынан тағы 55 мәдениет қайраткеріне пәтер кілттерін табыс етті.
Тұрғын үй қолдауы мәдени саланың әртүрлі бағыттарын қамтыды – жетекші театрлардың әртістері мен ұлттық ұжымдардың музыканттарынан бастап оқытушылар, кітапханашылар, архившілер, мұражай қызметкерлері, бухгалтерлер, кадр мамандары, техникалық қызметкерлер және мәдениет мекемелерінің қызметін қамтамасыз ететін қызметкерлерге дейін.
Сонымен қатар президент жарлығымен мәдениет саласындағы ерекше жетістіктері және Қазақстан Республикасының алдындағы ерекше еңбегі үшін саланың 13 өкілі мемлекеттік наградалар мен құрметті атақтарға ие болды. Мемлекет басшысының атынан жоғары наградалар отандық мәдениет пен өнерді дамытуға елеулі үлес қосқан театр, музыка, хореография, әдебиет және ғылым бағыттарының қайраткерлеріне табысталды.
«Парасат» орденімен наградталды:
«Құрмет» орденімен наградталды:
«Қазақстанның халық әртісі» құрметті атағына М. Лермонтов атындағы Ұлттық орыс драма театрының актері Виталий Гришко ие болды.
«Қазақстанның еңбек сіңірген қайраткері» құрметті атағына Т. Жүргенов атындағы Қазақ ұлттық өнер академиясының профессоры Мұрат Әбзелбаев ие болды.
«Ерен еңбегі үшін» медалімен «Коржын Груп» директоры, республикалық және халықаралық жобалардың ивент-менеджері Ақсұңқар Жарылқасова наградталды.
Қазір Қазақстанда мәдениет пен өнер саласында 60 мыңға жуық адам еңбек етеді. Соңғы жылдары мәдени инфрақұрылымды дамытуға ерекше көңіл бөлінуде. Соңғы бес жылда елімізде 150-ден астам жаңа мәдени нысан ашылды. Биыл тағы 64 нысанның құрылысы жалғасуда.
Дереккөз: Zakon.kz