Синоптиктер 16 мамыр, сенбі күні Қазақстанның үш ірі қаласы – Астана, Алматы және Шымкентте ауа райы қандай болатынын айтты. OpenWeather порталында жарияланған мәлімет бойынша, бүгін Астанада ашық аспан күтіледі, деп хабарлайды Almaty.news ақпарат агенттігі.
Астанада күндіз ауа температурасы +24 градусқа дейін көтеріледі, түнде +10 градусқа дейін төмендейді. Жел жылдамдығы – 3,5 м/с.
Алматыда да ашық болады, күндізгі температура +23 градус, түнде +6 градус. Жел жылдамдығы – 2,8 м/с.
Шымкентте күндіз термометр бағандары +31 градусқа дейін көтеріледі, түнде +17 градусқа дейін төмендейді. Жел жылдамдығы – 5,3 м/с.
Бұған дейін синоптиктер Қазақстанның көптеген өңірінде жаңбыр мен найзағай күтілетінін, кей жерлерде аяз болатынын хабарлаған. Осыған байланысты дауылды ескерту жарияланды.
Дереккөз: Nur.kz