Алматыда бұрынғы полиция басқармасы бастығының орынбасарына қатысты қылмыстық іс қайта қаралып жатыр, деп хабарлайды Almaty.news ақпарат агенттігі.
2026 жылғы 11 қарашада КТК телеарнасының сайты хабарлағандай, қорғаушы тарап сот шешімімен келіспейді. Олар кейбір сотталғандар бір-бірін мүлде танымаған деп мәлімдейді.
Адвокаттар істің қайта қаралуына қол жеткізбек.
«Бұл өте ауыр баптар, менің ағамның кінәсіздігін толық сеніммен, тек қарындас ретінде ғана емес, қорғаушы ретінде де мәлімдеймін. Біз қорғаушыларға берілген үкімнің сәйкессіздігі туралы айттық. Себебі беттерде алшақтық бар», – дейді сотталғанның қарындасы Гүлнар Жетегенова.
Асқар Жетегеновке қатысты қылмыстық іс екі жыл бұрын қозғалған. Ол сәтсіз аттестаттаудан кейін полициядан босатылып, кейін есірткі бизнесіне көмектесті деген айыппен ұсталған.
Тамыз айында ер адам 18 жылға бас бостандығынан айыру жазасына кесілді. Одан бөлек, ұйымдасқан қылмыстық топтың тағы 11 мүшесі темір торға тоғытылды.
Бұған дейін Шымкентте аудандық полиция басқармасының қызметкері автокөлігінен есірткі зат деп болжанған зат табылған оқиғадан кейін ішкі істер органдарынан теріс себептермен босатылған болатын.