Талғар ауданының Бескайнар ауылында Алматы тау кластерін дамыту жобасы бойынша қоғамдық тыңдаулар өтіп жатыр. Тыңдауларда туристік инфрақұрылымды дамыту, экологиялық тұрақтылық, Іле-Алатау табиғи аумақтарын сақтау және жобаларды іске асырудың әлеуметтік аспектілері қарастырылуда, деп хабарлайды Almaty.news ақпарат агенттігі.
Кездесу барысында қатысушылар жобалар бойынша ұсыныстары мен пікірлерін білдіріп, жобаны іске асыруға деген жоғары қызығушылықты атап өтіп, аймақтың заманауи тау туристік инфрақұрылымын дамытуды қолдайтынын жеткізді.
Алматы тау кластерінің жобасы халықаралық деңгейдегі заманауи жыл бойы жұмыс істейтін тау экожүйесін құруды көздейді, оның ішінде көтергіштер, әртүрлі қиындықтағы трассалар, туристік инфрақұрылым салу, сондай-ақ жазғы демалыс түрлерін — хайкинг маршруттарын, веложолдарды және басқа да белсенділіктерді дамыту қамтылған. Бастаманы іске асыру аясында «Шымбұлақ» және «Oi-Qaragai» курорттарын Кимасар, Бутаковка шатқалдары мен «Pioneer» курорты арқылы канатты жолдар мен трассалар жүйесімен байланыстыру қарастырылған. Сонымен қатар «Pioneer» курортының әлеуметтік және инклюзивті функциясы сақталатыны атап өтілді.
Талқылау барысында экологиялық тұрақтылық жобаларды іске асырудың негізгі қағидаттарының бірі ретінде қарастырылатыны айтылды.
Дереккөз: Almaty.tv