Бельгия королі Филипп пен королева Матильданың Қазақстанға мемлекеттік сапарына байланысты Алматыда 2026 жылғы 14 қазанда жол қозғалысын ұйымдастыруға уақытша өзгерістер енгізіледі, деп хабарлайды Almaty.news ақпарат агенттігі.
Таратылған хабарламаға сәйкес, қала тұрғындары мен қонақтарынан жол жағдайындағы ықтимал өзгерістерді ескеруді және уақытша қолайсыздықтарға түсіністікпен қарауды сұрайды.
Бельгия королі Филипп пен королева Матильда Қазақстанға мемлекеттік сапармен 2026 жылғы 11 қазанда келді. Астана әуежайында қымбатты қонақтарды президент Қасым-Жомарт Тоқаев қарсы алды.
12 қазанда Ақордада ресми қарсы алу рәсімі өтті, одан кейін Қасым-Жомарт Тоқаев қонақтармен тар және кеңейтілген құрамда келіссөздер жүргізді, сондай-ақ бірлескен мәлімдеме қабылданды.
Сонымен қатар Қазақстан президенті король Филипп пен королева Матильдамен бірге Астанадағы Ұлттық балалар оңалту орталығына барды. 13 қазанда Қасым-Жомарт Тоқаев король жұбына Ұлттық музейді және президент резиденциясында ұсталатын асыл тұқымды жылқыларды көрсетті.