Алматылық Риза Таганова мен Зангар Жомартулы сегіз жылдан бері бірге, оның үшеуі некеде. Жұп екі жасар қызы Зейнені тәрбиелеп отыр. Сондай-ақ, олардың биге деген ерекше құмарлығы бар: Риза балетті, ал Зангар заманауи биді ұнатады, деп хабарлайды Almaty.news ақпарат агенттігі.
26 жастағы балерина мен 29 жастағы заманауи стильдегі биші танысқан сәттен бастап мезгіл-мезгіл бірге билейді. Биыл олар осындай видеоларды әлеуметтік желілерде бөлісуді ұйғарды.
Жұп қала көшелерінде жүргіншілердің алдында билей бастады. Олардың мақсаты – адамдарға бидің сұлулығын көрсету және көңіл-күйлерін сәл көтеру.
«Аудиторияның 99%-ы мұны тек оң қабылдайды, бірақ мұның бәрі не үшін керек екенін түсінбейтін хейтерлер де кездеседі», – дейді әңгімелесуші.
Сонымен қатар, балерина түсірілімдердің көбінесе спонтанды болатынын, бірақ көп эмоция сыйлайтынын айтты.
Отбасының жоспарлары үлкен. Іске асыруға дайындалып жатқан ауқымды би жобасы бар. Бірақ жұп әзірге егжей-тегжейін ашпайды. Дегенмен олар жақсылық пен махаббатқа сенсе, өмірдің таңғажайып болуы мүмкін екеніне сенімді.