Алматыда БҰҰ өкілдігінің ғимаратына жақын орналасқан көшелердің бірі жақын арада жабылатыны хабарланды, деп хабарлайды Almaty.news ақпарат агенттігі.
Алматы әкімдігінің мәліметінше, Габдуллин көшесінің Байзақовтан Манасқа дейінгі учаскесіндегі жол жөндеу жұмыстарына байланысты уақытша шектеу енгізіледі.
— Габдуллин көшесінің учаскесінде орташа жөндеу жүргізуге байланысты қозғалысқа уақытша шектеу енгізіледі. Атап айтқанда, 5 маусым сағат 08:00-ден 6 маусым сағат 06:00-ге дейін Байзақов көшесінен Манас көшесіне дейінгі аралықта қозғалыс жабылады. Жөнделіп жатқан учаскелерде ескерту белгілері, мердігер ұйым басшысының байланыс ақпараты бар стендтер қойылады. Өз бағытыңызды алдын ала жоспарлауды сұраймыз, — деп хабарлады әкімдік.
Алматыдағы БҰҰ өкілдігінің ғимараты жабылатын көшеден бірнеше метр қашықтықта, Байзақов көшесінде орналасқан.
Бұған дейін Алматыдағы БҰҰ өкілдігінің қарама-қарсысында орналасқан Байсейітова атындағы мамандандырылған музыка мектебін бұзу жоспарланғаны хабарланған болатын.
Дереккөз: Inform.kz