Қырғызстаннан Қазақстанға ҚР азаматы экстрадицияланды. Оны ұйымдасқан қылмыстық топты басқарды деп күдіктенеді. Бұл топ жалған несиелер арқылы 183 млн теңгеден астам қаражатты жымқырған. Қылмыс жасағаннан кейін ол тергеуден 17 жылдан астам уақыт бойы жасырынып жүрген, деп хабарлайды Almaty.news ақпарат агенттігі.
Қазақстан Бас прокуратурасы Қырғызстаннан республика азаматын экстрадициялауға қол жеткізді. Ол ұйымдасқан қылмыстық топ құрамында аса ірі көлемде алаяқтық жасады деп күдіктеледі. Тергеу деректері бойынша, 2007-2008 жылдары Алматыда ер адам қылмыстық топты басқарған. Топ мүшелері қазақстандық банктердің бірінен қайтарылмайтын несиелер рәсімдеген. Осы заңсыз схема нәтижесінде 183 млн теңгеден астам қаражат жымқырылған.
Қадағалау органының хабарлауынша, алынған қаражат топ мүшелері арасында бөлініп, жеке мақсатта пайдаланылған.
Қылмыс ашылғаннан кейін ұйымдасқан қылмыстық топтың бір бөлігі сотталған, алайда болжамды ұйымдастырушы құқық қорғау органдарынан жасырынып, халықаралық іздеу жарияланған. Ағымдағы жылдың ақпан айында ол Бішкекте ұсталды. Қазақстан Бас прокуратурасының сұрауы бойынша күдікті одан әрі тергеу үшін Отанына экстрадицияланды. Қазіргі уақытта ер адам тергеу изоляторына орналастырылды. Оған мүлкі тәркіленіп, 12 жылға дейін бас бостандығынан айыру жазасы қауіп төндіреді. Алайда ол тек сот шешімімен кінәлі деп танылуы мүмкін.
Дереккөз: Inalmaty.kz