Алматыда полиция қызметкерлері тасталған ғимараттың жанынан күдікті сөмке тауып алды, оның ішінде қару болған, деп хабарлайды Almaty.news ақпарат агенттігі.
Алматы полиция департаментінің мәліметінше, Түрксіб ауданындағы жеке секторда, тасталған ғимараттың маңынан күдікті сөмке анықталған. Оқиға орнына тергеу-жедел тобы дереу жеткен.
Ішінде сыртқы түрі «Сайга» ойық ұңғылы карабиніне, тапаншаға ұқсайтын заттар, сондай-ақ оқ-дәрілер — карабинге он патрон және тапаншаға төрт патрон болған, — деп нақтылады полицияда.
Барлық табылған заттар алынып, сот-баллистикалық сараптамаға жіберілген. Полиция қарудың шығу тегін, оның қолданылу мүмкіндігін және қауіпті арсеналдың тасталған жағдайларын анықтауы тиіс. Жедел-тергеу іс-шаралары кешені жүргізілуде.
Дереккөз: Nur.kz