Алматыдағы Чайковский көшесінде «Халық қатысатын бюджет» бағдарламасы аясында абаттандыру жұмыстары жүріп жатыр. 0,6 га аумақта демалыс пен серуендеуге ыңғайлы жаяу жүргіншілер аймағы құрылуда, деп хабарлайды Almaty.news ақпарат агенттігі.
Көгалдандыруға 0,4 га бөлінген: бұл жерге газон төселіп, көпжылдық бұталар отырғызылып, бұрын болмаған автоматты суару жүйесі орнатылуда.
Тағы 0,2 га аумаққа жаңартылған жаяу жүргіншілер жабыны төселеді. Жоспар бойынша 985 шаршы метр брусчатка және 250 шаршы метр асфальт төселіп, көлеңкелі шатыр, пергола және 27 жаңа жарықтандыру тірегі орнатылады. Шамдарды қосу үшін 400 метр кабель желісі тартылған.
Аудандық әкімдікте атап өткендей, жоба қала тұрғындарының өздері көрсеткен күнделікті мәселелерді — тротуарларды, жарықтандыруды және көгалдандыруды жаңартуды шешуге бағытталған.
Дереккөз: Zakon.kz