Алматыда қоғамдық көлік жүргізушісі жол ережесін өрескел бұзып, тағы бір жүргізушіні қиып өтіп, ескертуге ортаңғы саусағын көрсеткен. Бұл оқиғаның видеосы almaty.official аккаунтында Threads әлеуметтік желісінде жарияланды, деп хабарлайды Almaty.news ақпарат агенттігі.
Куәгерлердің айтуынша, автобус жүргізушісі жолда басқа көлікті қиып өтіп, жол қозғалысы ережелерін өрескел бұзған. Жүргізушінің ескертуіне ол ортаңғы саусағын көрсетіп жауап берген.
Алматы қалалық полиция департаменті әлеуметтік желілерді мониторингілеу барысында 2026 жылғы 10 тамызда жол қозғалысы ережелерін бұзу фактісін анықтағанын хабарлады.
Бұған дейін Алматыда автобус қатысқан жол-көлік оқиғасы салдарынан адам қаза тапқан болатын.