Бүгін, 1 қыркүйекте, алматылықтар жолдарда кептелістің болмағанын атап өтті, дегенмен көшелер көлікке толы болады деген қауіп болған еді. Алайда қала тұрғындары жай ғана метроға түсіп кеткен, деп хабарлайды Almaty.news ақпарат агенттігі.
Мегаполис тұрғындары әкімдіктің жеке көліктен қоғамдық көлікке ауысу туралы кеңесіне құлақ асқан сияқты. Instagram-дағы almatinec_live блогері метроның кадрларын жариялады.
«Метрода бүгін коллапс», — деп жазды ол бейненің сипаттамасында.
Кадрларда көптеген адамның пойызға ұмтылғаны көрінеді, бірақ бейне қай станцияда түсірілгені белгісіз.
Айта кетейік, бүгін алматылықтар қалада көлік аз екеніне назар аударды, ал кептеліс деңгейі 3-тен 6 баллға дейін болды.
Еске салайық, кеше Алматы әкімдігі компанияларға қызметкерлердің бір бөлігін қашықтан жұмысқа жіберуді ұсынды, өз үлгісін көрсетіп — әкімдік өз қызметкерлерінің бір бөлігін қашықтан жұмыс форматына ауыстыруға уәде берді. Бұған дейін автокөлік жүргізушілеріне де жеке көліктен бас тартып, қоғамдық көлікті пайдалануға кеңес берілген еді.