Алматы эксплуатациялық вагон депосының директоры қылмыстық іс аясында ұсталды. Бұл ақпаратты «Қазақстан темір жолы» ҰК АҚ растады, деп хабарлайды Almaty.news ақпарат агенттігі.
Компания мәліметінше, кәсіпорын басшысы 2026 жылғы 9 сәуірде ұсталған. Тергеу оның 2024-2025 жылдардағы қызметін қамтиды. Сот оған қамау түріндегі бұлтартпау шарасын санкциялады.
Компания сыбайлас жемқорлыққа нөлдік төзімділік қағидатын ұстанады және тергеу органдарына қажетті материалдар мен ақпаратты беріп, толық жәрдем көрсетеді, — деп мәлімдеді ҚТЖ-да.
Сонымен қатар, комплаенс-қызметтің қатысуымен ықтимал бұзушылықтардың себептері мен жағдайларын анықтау үшін ішкі тексеру жүргізілуде. «Қазақстан темір жолы» тергеу аяқталғанға дейін қосымша түсініктеме беруден бас тартты.
Дереккөз: Inalmaty.kz