Алматыда түні бойы іздестірілген 15 жастағы жасөспірім Титова шыңына шығу кезінде жоғалып, таңертең аман-есен табылды, деп хабарлайды Almaty.news ақпарат агенттігі.
Оқушының жоғалғаны туралы хабарлама 112 қызметінің пультіне түн ортасында түскен. Анықталғандай, таңертең жасөспірім өз бетінше теңіз деңгейінен 3871 метр биіктікте орналасқан Титова шыңына аттанған, алайда кешке қарай онымен байланыс үзілген. Бұл туралы ТЖМ баспасөз қызметі хабарлайды.
Іздеуге дереу УСП-23 құтқарушылары мен «Барыс» республикалық құтқару жасағы шықты. Түн бойы олар Мынжылқы асуын, Титова асуын тексеріп, туристерден сұрастырып, жасөспірім жүруі мүмкін маршруттарды қарап шықты.
Таңертең іздеу сәтті аяқталды. Жасөспірім Титова көлінің маңынан табылды, ол «Жоғарғы Горельник» баспанасында болған. Оған медициналық көмек қажет болмады.
Осыдан кейін құтқарушылар жасөспірімді таудан алып шығып, УСП-23 бөлімшесіне жеткізді, онда оны «Медеу» экопостында ата-анасына тапсырды.
Құтқарушылар тауға барар алдында жақындарыңызға маршрутыңыз туралы алдын ала хабарлауды, ауа райын ескеруді және әсіресе күрделі биік таулы маршруттарға жалғыз шықпауды ескертеді.
Бұған дейін Қазақстанның оңтүстігінде көпбалалы әке қатыгездікпен өлтірілгені туралы хабарлаған болатынбыз.
Дереккөз: Zakon.kz