Алматы тұрғындарын Төле би көшесіндегі қозғалыстың шектелетіні туралы ескертті. Ол 18 шілде кешінен 19 шілде түскіге дейін созылады, деп хабарлайды Almaty.news ақпарат агенттігі.
Алматы әкімдігінің мәліметінше, инженерлік желілерде жоспарлы жұмыстар жүргізуге байланысты Төле би көшесінің Тлендиев пен Брусиловский көшелері арасындағы учаскесінде көлік қозғалысы уақытша шектеледі.
«Осы учаскедегі қозғалыс 2026 жылғы 18 шілде сағат 20:00-ден 19 шілде сағат 13:00-ге дейін жабылады», — деп нақтылады әкімдікте.
Қала тұрғындары мен қонақтарына маршрутты алдын ала жоспарлау, уақытша шектеулерді ескеру және уақытша жол белгілерінің талаптарын сақтау ұсынылды.
Дереккөз: Nur.kz