Алматыда LRT жобасын іске асыру аясында Төле би көшесінің бір бөлігінде түнде көлік қозғалысы уақытша тоқтатылады, деп хабарлайды Almaty.news ақпарат агенттігі.
17 қыркүйек сағат 22:00-ден 18 қыркүйек сағат 06:00-ге дейін Қожамқұлов көшесінен Шәріпов көшесіне дейінгі аралықта қозғалыс жабылады.
Жөндеу жұмыстары жүргізіліп жатқан аумаққа ескерту белгілері қойылады.
Жүргізушілерге маршрутты алдын ала жоспарлау ұсынылады.
Айта кетейік, 17 қыркүйек сағат 15:00-ден 21 қыркүйек сағат 03:00-ге дейін Қала күніне орай өтетін мерекелік іс-шараларға байланысты Төле би және Қазыбек би көшелерінің Абылай хан даңғылынан Назарбаев даңғылына дейінгі бөліктері уақытша жабылады.