Алматыда Алтынсарин даңғылы мен Шаймерденов көшесінің учаскелері уақытша жабылады, деп хабарлайды Almaty.news ақпарат агенттігі. Бұл шектеулер орташа жөндеу жұмыстарына байланысты.
Алтынсарин даңғылында қозғалыс 28 тамыз сағат 23:00-ден 29 тамыз сағат 16:00-ге дейін толық жабылады. Шектеу Абай даңғылынан Кабдолов көшесіне дейінгі учаскеде қолданылады.
Шаймерденов көшесінде қозғалыс 29 тамыз сағат 06:00-ден 30 тамыз сағат 13:00-ге дейін жабылады. Жұмыстар Жандосов көшесінен Сейдімбек көшесіне дейінгі учаскеде жүргізіледі.
Жұмыс мерзімдері ауа райы жағдайына немесе өндірістік қажеттілікке байланысты өзгеруі мүмкін.
Жөнделетін учаскелерде ескерту жол белгілері орнатылады.
Жүргізушілерден маршруттарын алдын ала жоспарлап, уақытша шектеулерді ескеру сұралады.
Бұған дейін Абылай хан даңғылының учаскесінде LRT жобасын іске асыру аясында инженерлік желілерді қайта құру жұмыстарына байланысты 30 тамызға дейін қозғалыс уақытша шектелгені хабарланған болатын.
Сондай-ақ, 31 тамыздан 2026 жылғы 14 қыркүйекке дейін Алматының Алмалы ауданында «Шевченко-Байзакова» тұрғын үй кешеніне жылу, су құбыры және су бұру желілерін тарту жұмыстары жүргізілетін болады.
Еске салайық, 26 тамыздан 1 қыркүйекке дейін күн сайын сағат 00:00-ден 05:00-ге дейін Құлыбеков көшесінен Машан көшесіне дейінгі учаске жабылады. Жұмыстар тек түнгі уақытта жүргізіледі. Күндіз жол ашық болады.