Алматыда жер үсті жылдам қоғамдық көлік жүйесі SkyTrain пайда болады. Қаланың жол инфрақұрылымын дамыту басқармасы 2026 жылғы 24 маусымда екі желінің трассалары анықталғанын хабарлады, деп хабарлайды Almaty.news ақпарат агенттігі.
Жалпы ұзындығы 42 км болатын желілерде 20 станция орналасады. Пойыздардың орташа жылдамдығы сағатына 35 км құрайды. Депоны Алматы облысы, Қарасай ауданы, Абай ауылында (Барлық ТПЖ жанында) орналастыру жоспарлануда.
Басқармада атап өткендей, SkyTrain құрылысы көлік ағындарын қайта бөлуге, жол инфрақұрылымының өткізу қабілетін арттыруға және экологиялық жағдайды жақсартуға мүмкіндік береді.
2026 жылғы 2 маусымда Алатау қаласын дамыту жөніндегі кеңесте президент Қасым-Жомарт Тоқаев Алматыға күн сайын Алматы облысынан 400 мыңға жуық автокөлік кіретінін атап өтті. Ол жылдам қоғамдық көлікті белсенді дамытуды және ағымдағы жылдың 1 тамызына дейін SkyTrain құрылысының барлық аспектілерін пысықтауды тапсырды.
Бірінші желінің маршруты: Барлық ТПЖ – Райымбек даңғылы – Саина көшесі – Әл-Фараби даңғылы – ВОАД – Шығыс қақпа ТПЖ. Ұзындығы 29 км (16 станция). Іске асыру мерзімі – 36 ай.
Екінші желінің маршруты: Райымбек даңғылы бойымен, Саина көшесінен Шығыс қақпа ТПЖ-ға дейін. Ұзындығы 13 км (төрт станция). Іске асыру мерзімі – 36 ай.
Дереккөз: Zakon.kz