Алматының Алмалы ауданында өрт сөндірушілер литий-ионды батареялар қоймасындағы өртті жойып, оттың жақын жердегі аккумуляторлар мен жаңа электросамокаттарға таралуына жол бермеді, деп хабарлайды Almaty.news ақпарат агенттігі.
Төтенше жағдайлар министрлігінің мәліметінше, Васнецов көшесіндегі қойма үй-жайындағы өрт туралы хабарлама 112 қызметінің пультіне түскен. Құтқарушылар келген кезде литий-ионды батареялардың жанғаны анықталды. Мұндай аккумуляторлардың ерекшеліктеріне байланысты тізбекті реакция және оттың көрші батареялар мен 300-ге жуық жаңа электросамокатқа ауысу қаупі төнген.
Өрт сөндірушілер дереу ошақты сөндіруге және аккумуляторларды қарқынды салқындатуға кірісіп, бұл жалынның таралуын тоқтатуға мүмкіндік берді. Өрт 30 минуттан аз уақыт ішінде толығымен жойылды. Оқиға салдарынан ешкім зардап шеккен жоқ.
ТЖМ деректері бойынша, 100-ден астам литий-ионды батарея мен 300-ге жуық жаңа электросамокат сақталып қалды.
Дереккөз: Inalmaty.kz