Алматы қалалық полиция департаментінде арнайы мақсаттағы бөлімшелер күніне орай салтанатты іс-шара өтті, деп хабарлайды Almaty.news ақпарат агенттігі.
Іс-шара жедел әрекет ету арнайы жасағының базасында өтіп, қызметтегі полицейлер мен ардагерлерді біріктірді. Салтанат барысында үздік қызметкерлерге адал қызметі, кәсібилігі және қоғамдық қауіпсіздікті қамтамасыз етуге қосқан үлесі үшін ведомстволық наградалар табысталды. Қызметтік борышын өтеу кезінде қаза тапқан қызметкерлердің ерекше еске алынды. Қатысушылар ескерткішке гүл шоқтарын қойып, олардың есімін бір минут үнсіздікпен еске алды. Салтанат жеке құрамның салтанатты өтуімен аяқталды. Іс-шараға Алматы қалалық полиция департаментінің бастығы Айдын Қабдұлдинов қатысып, ол құқық тәртібін қамтамасыз ету жүйесіндегі арнайы мақсаттағы бөлімшелердің ерекше рөлін атап өтті.
«Арнайы жасақтардағы қызмет – бұл күнделікті тәуекел, жоғары жауапкершілік және борышқа шартсыз берілгендік. Сіздер азаматтардың өмірі мен қауіпсіздігіне қауіп төнген жерге бірінші болып барасыздар. Сіздердің жұмыстарыңыздың артында қаланың тыныштығы мен адамдардың сенімі тұр. Біз осы форманы абыроймен киетін әрбір қызметкерді мақтан тұтамыз және басқаларды қорғау үшін өз өмірін қиғандарды әрқашан еске аламыз», – деді Айдын Қабдұлдинов.
Алматы полиция департаментінде ұрпақтар сабақтастығын нығайту, ардагерлерді қолдау және қаза тапқан қызметкерлердің есімін сақтау ведомстволық саясаттың маңызды бөлігі болып қала беретінін атап өтті.
Дереккөз: Almaty.tv