Алматыда есірткі заттарын печенье ішіне жасырып тасымалдаған күдікті ұсталды, деп хабарлайды Almaty.news ақпарат агенттігі.
Алматы қалалық полиция департаментінің баспасөз қызметі хабарлағандай, күдіктіні есірткі қылмысына қарсы іс-қимыл басқармасының жедел қызметкерлері ұстаған.
Жеке тінту және тұрғын үйін тексеру кезінде полицейлер өзіне тән иісі бар затты тапқан. Сонымен қатар электронды таразы, ZIP-пакеттер, изолента және пластилин тәркіленген.
Қазіргі уақытта осы факті бойынша қылмыстық іс қозғалып, тергеу әрекеттері жүргізілуде. Полицейлер ұсталған адамның есірткі саудасының басқа эпизодтарына қатысы бар-жоғын да тексереді.
Бұған дейін біз Астанада екі шетелдіктің көлігінен есірткі салынған чемодан табылғанын жазған болатынбыз.