Алматыдағы саябақта өрт сөндірушілер үшін ерекше жарыс ұйымдастырылды. Қатысушылар толық жауынгерлік киіммен және салмағы 30 келіге жуық жабдықпен, оның ішінде тыныс алу аппараттарымен жаттығуларды орындады, деп хабарлайды Almaty.news ақпарат агенттігі.
Қонақтарға арналған бағдарлама қанық болды: гарнизонның үрмелі оркестрі өнер көрсетті, қауіпсіздік бойынша көрнекі материалдары бар оқу алаңдары және құтқару техникасының көрмесі жұмыс істеді.
Басты оқиға – өрт сөндірушілердің жарысы. Олар штанга мен көтерді, отжимание жасады, кедергілері бар степ-тесттен өтті, газ баллондарын тасыды, өрт жеңдерін «сегіздік» етіп орады және гидравликалық авариялық-құтқару құралымен жұмыс істеді. Ең қиын кезеңдердің бірі – шартты жәбірленушіні бетон плитасының астынан шығару болды.
Турнир қорытындысы бойынша бірінші орынды Алмалы ауданының №9 өрт сөндіру бөлімі 3 минут 17 секунд нәтижемен алды. Екінші орынға Алатау ауданының №3 мамандандырылған өрт сөндіру бөлімінің қызметкерлері – 3 минут 20 секунд ие болды. Үшінші орынды Түрксіб ауданының №11 өрт сөндіру бөлімі 3 минут 24 секунд көрсеткішпен жеңіп алды.
Іс-шара салтанатты марапаттау рәсімімен аяқталды. Жеңімпаздар мен үздік қызметкерлерге кубоктар, медальдар және бағалы сыйлықтар табысталды. Ұйымдастырушылар мұндай жарыстар құтқарушы мамандығын насихаттап, алматылықтарға өрт сөндірушілердің жұмысы қаншалықты күрделі әрі ауыр екенін көрсететінін атап өтті.
Дереккөз: Zakon.kz