№2 қалалық перинаталдық орталықта жүктіліктің 35-аптасында туған үшем қыздар бір ай емделіп, үйлеріне жіберілді, деп хабарлайды Almaty.news ақпарат агенттігі.
Үшемдер биыл 7 мамырда дүниеге келген. Бұл отбасы үшін үшінші, төртінші және бесінші бала болды. Туған кезде қыздардың салмағы 1690, 1390 және 1660 граммды құрады.
Шала туылғандықтан, нәрестелердің жағдайы ауыр деп бағаланды. Бірінші аптада олар жаңа туған нәрестелер реанимация бөлімінде мамандардың тәулік бойы бақылауында болды. Жағдайы тұрақталғаннан кейін емдеу жоғары тәуелді күтім бөлімінде жалғасты.
Бір ай бойы неонатологтар, реаниматологтар және медбикелер балалардың жағдайын бақылап, қажетті ем жүргізді.
Медициналық мекеменің мәліметінше, үшемдердің жағдайы айтарлықтай жақсарған. Емдеу курсы мен бақылау аяқталғаннан кейін қыздар анасымен бірге үйлеріне шығарылды.
— Барлық дәрігерлерге, балалар бөлімінің қызметкерлеріне, хирургтарға, медбикелерге және №2 перинаталдық орталықтың бүкіл ұжымына шын жүректен алғыс айтамын. Сіздердің кәсібиліктеріңіздің, қамқорлықтарыңыз бен қолдауларыңыздың арқасында менің қыздарым бүгін менімен бірге үйлеріне кетіп барады, — деді анасы.
Дәрігерлердің айтуынша, үшемдердің тарихы мамандардың үйлесімді жұмысы мен заманауи медициналық көмек әдістерінің арқасында шала туылған нәрестелерді сәтті күтіп-бағудың үлгісі болды.
Дереккөз: Inform.kz