Алматыда кәсіпкерлер «Almaty Business» жеңілдікпен қаржыландыру бағдарламасын пайдалана алады, ол бизнесті дамытуға арнайы шарттармен қаражат береді, деп хабарлайды Almaty.news ақпарат агенттігі.
Бағдарламаға қатысушылардың бірі – Алматы Индустриялық аймағының аумағында PIR-панельдер өндірумен айналысатын «East Star Com.kz» ЖШС, ол «Алматы» ӘКК еншілес ұйымы. Кәсіпорын негізін қалаушы Жалынбек Жайнарбайдың айтуынша, компания бұрын Қазақстанда өндірілмеген құрылыс материалын шығаруды жолға қойған.
Кәсіпорынның өндірістік қуаты жылына 1 млн шаршы метрге дейін өнім шығаруды қамтиды, оны 1,3 млн-ға дейін арттыру мүмкіндігі бар. Желіні іске қосу үшін компанияға арнайы жабдық қажет болды. Оны сатып алуға қаражаттың бір бөлігін кәсіпкер «Алматы» ӘКК еншілес ұйымы – «Almaty Finance» компаниясының жеңілдікпен қаржыландыруы аясында алды.
«6% мөлшерлемемен қаржыландырудың арқасында біз меншікті қаражатымыз жетпеген жабдықты сатып алдық. Бұл бізге қысқа мерзімде өндірісті іске қосуға мүмкіндік берді», – деп атап өтті кәсіпкер.
«Алматы» ӘКК басқарма төрағасының орынбасары Ануар Габдуллиннің айтуынша, 2019 жылдан бері қала бюджетінен «Almaty Business» бағдарламасы аясында кәсіпкерлікті қолдауға 25 млрд теңгеден астам қаражат бөлінген. Револьверлік қаржыландыру механизмінің арқасында бизнес шамамен 50 млрд теңге алды.
Бағдарлама шарттары жетілдірілуде. Микро және шағын бизнес үшін жеке қолдау құралдары қарастырылған. Бұл бағыт бойынша қаржыландыруды «Almaty» МҰҰ ұсынады. Кәсіпкерлерге үш несие өнімі қолжетімді: кепілді және кепілсіз қаржыландыру, сондай-ақ әлеуметтік кәсіпкерлерді несиелеу.
Жеңілдікпен қаржыландыру бағдарламасы кәсіпкерлерге жабдық сатып алу, жаңа өндірістерді іске қосу және қолданыстағы бизнесті дамыту үшін қаражат тартуға мүмкіндік береді. «Almaty Business» қолдау құралдарының қалай жұмыс істейтіні және Алматыдағы кәсіпкерлерге қандай мүмкіндіктер бар екені туралы бейнематериалдан көре аласыздар.
Дереккөз: Zakon.kz