Алматы халықаралық әуежайының ішкі рейстер терминалында орындықтарға беймәлім зат шашырап, оқиға бейнежазбаға түсті, деп хабарлайды Almaty.news ақпарат агенттігі.
Редакцияға жіберілген бейнежазба ішкі рейстерге ұшу күту залында түсірілген. Кадрларда белгісіз зат бірнеше орындыққа шашырағаны, адамдардың алыстап кетуге асыққаны көрінеді.
Алматы халықаралық әуежайының баспасөз қызметі болған жайтқа қатысты Т1 терминалында инфрақұрылымды жаңғырту жұмыстары жалғасып жатқанын, оның ішінде пайдалану барысында анықталған жекелеген кемшіліктерді жою шаралары да қамтылғанын түсіндірді.
Т1 терминалында инфрақұрылымды жаңғырту жұмыстары жалғасып жатыр, оның ішінде пайдалану кезінде анықталған жекелеген кемшіліктерді жою да бар.
2026 жылдың жазында Алматы халықаралық әуежайының ішкі рейстер терминалын жаңғырту ғимараттың барлық дерлік бөлігін қамтитыны хабарланған болатын. Еден мен төбе жабындары, желдету және электрмен жабдықтау жүйелері, жолаушыларды тіркеу және багаж өңдеу аймақтары жаңартылып жатыр.