Алматыда бірнеше кәсіпкер полицияға қоғам белсендісімін деп таныстырған азаматтың ақша талап еткенін хабарлады. Күдікті ұсталып, уақытша ұстау изоляторына қамалды, деп хабарлайды Almaty.news ақпарат агенттігі.
Алматы полиция департаментінің Instagram парақшасында хабарланғандай, ер адамды қорқытып ақша талап етті деген күдікпен ұстаған. Ол мемлекеттік органдарға шағымдану мүмкіндігін айтып, кәсіпкерлердің жұмысына кедергі жасауға уәде берген.
«Алдын ала деректер бойынша, ер адам өзін қоғам белсендісі ретінде таныстырып, кәсіпкерлікпен айналысатын адамдардан жүйелі түрде ақша талап еткен. Бұл ретте ол мемлекеттік органдарға шағымдану және олардың жұмысына одан әрі кедергі жасау мүмкіндігіне сілтеме жасаған», — деді полицияда.
Осыған ұқсас жағдайлар туралы бірнеше адам хабарласқаны анықталды. Қазір бұл факті бойынша сотқа дейінгі тергеу жүргізіліп жатыр.
«Қазіргі уақытта тергеу болған оқиғаның барлық мән-жайын анықтау және дәлелдемелерді бекіту үшін қажетті шараларды қабылдап жатыр. Осындай фактілер туралы ақпараты бар азаматтарды полицияға жүгінуге шақырамыз», — деді Алматы қаласы Әуезов ауданы полиция басқармасының бастығы Данияр Меңдебаев.