Алматыда 17 маусымнан бастап бірнеше маңызды автобус бағыттарының қозғалыс схемасы өзгерді, деп хабарлайды Almaty.news ақпарат агенттігі.
Транспорттық холдингтің хабарлауынша, әл-Фараби даңғылының бір бөлігі 17 маусымнан бастап жабылады. Осыған байланысты №45 бағыттың схемасына өзгерістер енгізілді.
Сондай-ақ 17 маусымнан бастап Габдуллин көшесінің (Манас көшесінен Әуезов көшесіне дейінгі бөлігінде) орташа жөндеу жұмыстарына байланысты №7 троллейбус бағытының схемасына уақытша өзгерістер енгізіледі.
Бұдан басқа, 17 маусымнан бастап Шемякин көшесінің (Рысқұлов даңғылынан Хмельницкий көшесіне дейінгі бөлігінде) орташа жөндеу жұмыстарына байланысты №8, №32, №51, №79 және №126 бағыттардың схемаларына уақытша өзгерістер енгізіледі. Қозғалыс жөндеу жұмыстары аяқталғанша жүзеге асырылады.
Сонымен қатар, 16 маусымнан 20 шілдеге дейін Алматыда Жұмабаев көшесінде көлік қозғалысы шектелді.
Өзгерістер келесідей:
- №45 бағыт: оңтүстік бағытта – Достық даңғылы – Қажымұқан көшесі – Назарбаев даңғылы – әрі қарай бұрынғы схема бойынша. Кері бағытта өзгеріссіз.
- №7 бағыт: солтүстік бағытта – Әуезов көшесі – Бұқар жырау көшесі – Манас көшесі – әрі қарай бұрынғы схема бойынша. Кері бағытта өзгеріссіз.
- №8, №32, №51, №79, №126 бағыттар: солтүстік бағытта – Жангелдин көшесі – Папанин көшесі – Хмельницкий көшесі – әрі қарай бұрынғы схема бойынша. Кері бағытта: Хмельницкий көшесі – Гете көшесі – Руставели көшесі – Папанин көшесі – Жангелдин көшесі – әрі қарай бұрынғы схема бойынша.
Дереккөз: Zakon.kz