Алматыда автобус аялдамасының шынысы құлап, бойжеткенге тиді. Оқиға Мақатаев (Назарбаев) көшесінде болған, деп хабарлайды Almaty.news ақпарат агенттігі.
Қала әкімдігінің баспасөз қызметі оқиғаға жауап беріп, инвестор компаниясы RTS-пен байланысқанын нақтылады.
Компания мәліметінше, аялдама павильонының зақымдалған шынысы ертең, 5 қарашаға дейін ауыстырылады.
Бұған дейін Алматы тұрғындары Алматы-1 теміржол вокзалының маңындағы аялдама кешендерінің бұзылуына наразылық білдірген. Ол кезде Жол қозғалысын ұйымдастыру және жолаушылар көлігі басқармасы қаланың басты вокзалдарының бірін, оның ішінде оған жанасатын алаңды да ауқымды реконструкциялау жүріп жатқанын мәлімдеген.