3 маусымда Алматыда ауа райының нашарлауы күтіледі. Қалалық ТЖД дауылды ескерту жариялап, тұрғындар мен қонақтарды сақ болуға шақырды, деп хабарлайды Almaty.news ақпарат агенттігі.
Алматы ТЖД баспасөз қызметінің мәліметінше, 3 маусымда найзағай, жаңбыр және солтүстік-батыстан соғатын желдің күші 18 м/с дейін жетеді. Мұндай ауа райы қалада, сондай-ақ Бостандық және Медеу аудандарының таулы аймақтарында болжанып отыр.
«Ауа райының нашарлауына байланысты азаматтарға нашар бекітілген құрылыстар, жарнама тақталары, құрылыс қоршаулары, ағаштар және желдің күшті екпіні кезінде қауіп төндіруі мүмкін басқа да нысандардың жанында болмауға кеңес береміз», — делінген хабарламада.
Құтқарушылар дауылды ескерту кезеңінде тауға саяхаттаудан бас тартуға кеңес береді. Төтенше жағдай туындаған жағдайда 112 нөміріне хабарласу керек.
Дереккөз: Nur.kz