Алматыда жақын арада қазақстандық «Астана» брендімен автобустар шығарыла бастайды. Бұл туралы авторынок талдау агенттігінің бас директоры Артур Мискарян BIZDIÑ ORTA подкасінде мәлімдеді, деп хабарлайды Almaty.news ақпарат агенттігі.
Сарапшының айтуынша, жаңа автобус бейдж-инжинирингтің қарапайым мысалы болмайды, яғни дайын үлгі басқа атаумен шығарылмайды.
— Бұл Қазақстан үшін әзірге бірегей прецедент, өйткені автобустың кабинасының дизайнын Алматыда жұмыс істейтін қазақстандық инженерлер жасаған, — деп атап өтті Артур Мискарян.
Ол техникалық тұрғыдан автомобильдер немесе автобустарды өз ұлттық брендімен шығару әлемдік технологиялық серіктеспен ынтымақтастықты көздейтінін түсіндірді. Бұл ретте отандық өндіруші серіктестің агрегаттық базасын пайдаланады, ал көлік жергілікті бренд пен меншікті дизайн элементтерін алады.
Бұл жағдайда қазақстандық жобаның технологиялық серіктесі BYD болады.
— Бұл тұрғыда, әрине, мұны үлкен жетістік деп санауға болады, — деп атап көрсетті сарапшы.
Бұған дейін сарапшы подкастқа берген сұхбатында халықтың жоғары несиелік жүктемесі Қазақстанда автомобильдерге сұраныстың төмендеуіне міндетті түрде әкелмейтінін атап өткен еді, өйткені жаңа көліктер сатып алудың едәуір бөлігі жеңілдетілген несиелік бағдарламаларға тиесілі.