Алматыда 16 шілдеде ауа температурасы +38 градусқа жетіп, 1976 жылғы рекордты жаңартты, деп хабарлайды Almaty.news ақпарат агенттігі.
Алматы және Алматы облысы бойынша метеорологиялық болжамдар бөлімінің басшысы Дәулет Кісебаевтың айтуынша, қаладағы ауа температурасы +38 градусқа жеткен.
«16 шілдедегі алдыңғы максимум 1976 жылы тіркелген еді. Сонда термометр бағандары +36,1 градусқа көтерілген, бірақ қазіргі көрсеткіш одан жоғары болды», – деп атап өтті ол.
Жаңа рекордқа қарамастан, Алматыдағы шілде айының абсолютті температуралық максимумы әзірге өзгеріссіз қалып отыр. Ол +43,4 градусты құрайды және 1983 жылы тіркелген.
Дереккөз: Nur.kz