2026 жылдың бірінші тоқсанында Қазақстан бойынша орташа айлық номиналды жалақы 461 486 теңгені құрады. Өткен жылдың сәйкес кезеңімен салыстырғанда көрсеткіш 9,1%-ға өскенімен, нақты мәнде жалақы 2,3%-ға төмендеді, деп хабарлайды Almaty.news ақпарат агенттігі.
Қазақстан Ұлттық статистика бюросының деректері бойынша, медиандық жалақы (яғни жалақы қатарының орталық деңгейі) 2026 жылғы қаңтар–наурыз аралығында 331 527 теңге болды. Орташа айлық жалақының ең жоғары өсімі ауыл, орман және балық шаруашылығында тіркелді – 20,3%-ға.
Айтарлықтай өсім басқа салаларда да байқалды: қаржы және сақтандыру қызметінде – 18,1%; сумен жабдықтау, кәріз және қалдықтарды жою саласында – 16,5%; электрмен жабдықтау, газ, бу және ыстық сумен жабдықтау саласында – 14,7%; көлік және қоймалауда – 12,9%; өнеркәсіпте – 11,6%.
Әлеуметтік салада өсім баяулау болды. Денсаулық сақтау және халықты әлеуметтік қызметпен қамтамасыз етуде жалақы 7%-ға, ал білім беруде 4,2%-ға өсті.
Өңірлік бөліністе орташа айлық номиналды жалақының ең байқаларлық өсімі мына аймақтарда тіркелді: Абай облысы – 14,2%; Павлодар облысы – 12,4%; Жетісу облысы – 12,2%; Алматы облысы – 10,9%; Алматы – 10,7%.
Дереккөз: Inalmaty.kz