Алматыда су есептегіштерін алғаш орнату, жоспарлы және жоспардан тыс ауыстыру кезінде көрсеткіштерді қашықтықтан беру мүмкіндігі бар құрылғылар қойылады, деп хабарлайды Almaty.news ақпарат агенттігі.
Бұл талап пәтерлерге, жеке үйлерге және заңды тұлғалардың нысандарына қатысты.
Есептегіш істен шыққан, тексеру қорытындысы бойынша жарамсыз деп танылған немесе пайдалану мерзімі аяқталған жағдайда ауыстыруға жатады.
Тиісті ақпаратты «Алматы Су» мекемесінің ресми парақшасы жариялады.
Сонымен қатар 2026 жылғы 2 қарашада мамандар Алматы тұрғындарына ылғалды майлықтарды, пакеттерді, тағам қалдықтарын және басқа да тұрмыстық қоқысты дәретханаға тастауға болмайтынын тағы еске салды.