Алматы тауларында туристер бір мезетте үш қар барысын жақын қашықтықтан бейнеге түсіріп алды. Бұл кадрларды 2026 жылдың 12 тамызында Орман шаруашылығы және жануарлар дүниесі комитеті жариялады, деп хабарлайды Almaty.news ақпарат агенттігі.
Бейнежазбада үш қар барысы тастардың арасымен жылжып бара жатқаны көрінеді. Комитет қар барысы Қазақстан Республикасының Қызыл кітабына енгізілгенін және мемлекет қорғауында екенін еске салды.
Ведомство жабайы аңмен кездескен жағдайда оған жақындамауға, қуып жетпеуге, шу шығармауға және қауіпсіз қашықтықты сақтауға кеңес береді.
Қар барысы – Орталық және Оңтүстік Азияның биік таулы аймақтарында мекендейтін мысық тұқымдасына жататын ірі жыртқыш. Ол Халықаралық Қызыл кітапқа осал түр ретінде енгізілген және қатаң қорғауда. Қазақстанда қазіргі уақытта шамамен 200 дарақ бар, соңғы жылдары популяция тұрақты өсім көрсетіп келеді.
Бұл кадрлардың ерекшелігі – әдетте қар барыстарын тек табиғатқа орнатылған фотокақпандар ғана түсіре алады, мысалы 2026 жылы жазда болған оқиғадағыдай. Алайда бұл жолы адамдар бұл жануарларды өз камераларына түсіріп үлгерді.