Алматы қаласының мониторинг және жедел ден қою орталығына кешке төтенше жағдай туралы хабарлама келіп түсті. Алдын ала мәліметтерге сәйкес, ер адам таудан түсіп келе жатқанда аяғын бұрап алған, деп хабарлайды Almaty.news ақпарат агенттігі.
«БАУ» қоғамдық құтқару қызметінің мамандары туристке қажетті көмек көрсетіп, оны қауіпсіз жерге шығарды.
Мамандар тауға шығар алдында ауа райы жағдайын және таңдалған маршруттың ерекшеліктерін ескеру, сондай-ақ киім мен аяқ киімді дұрыс таңдау қажеттігін еске салады.
Бұған дейін қазақстандықтар Жапонияға виза алу ережелерінің өзгеретіні туралы ескертілген болатын.