Жылы мезгілдің басталуымен велосипед ұрлығының саны дәстүрлі түрде артады. Көп жағдайда мұның себебі — иелерінің абайсыздығы, деп хабарлайды Almaty.news ақпарат агенттігі.
Полиция қала тұрғындарын жеке қауіпсіздікке жауапкершілікпен қарауға және қылмыс жасауға жағдай туғызбауға шақырады. Велосипедті қысқа мерзімге де қараусыз қалдыру оның жоғалуына әкеп соғуы мүмкін.
ҚР Қылмыстық кодексіне сәйкес, ұрлықты бірнеше рет жасау, тіпті зиян шамалы болса да, ауыр қылмыс саналады және 3 жылдан 7 жылға дейін бас бостандығынан айыру жазасын көздейді.
Криминалдық полиция қызметкерлері ұрлық фактілерін талдап, нақты ұрлық жағдайлары түсірілген бейнежазбалар дайындады.
Дереккөз: Zakon.kz