Алматының тұрғын үй алабында қоқыс контейнерінің жанынан мылтық табылды. Полиция оның көшеге қалай шыққанын анықтады, деп хабарлайды Almaty.news ақпарат агенттігі.
Алматы полиция департаментінің баспасөз қызметінің мәліметінше, тұрғын үй алабында қоқыс контейнерінің жанынан мылтық табылған. Оқиға орнына дереу тергеу-жедел тобы келді.
Наурызбай ауданы полиция басқармасының қызметкерлері қаруды алып, оның көшеге қалай түскенін анықтады.
«Тіркелген мылтық жеке қойма үй-жайында сақталғаны белгілі болды. Оның иесі Астанада тұрады, ал қойманы оған күйеу баласы сатқан. Жаңа иелері үй-жайды қоқыстан тазарта бастағанда, мылтық та қоқысқа лақтырылған. Енді барлық қатысушылардың әрекетіне құқықтық баға беру керек. Оның ішінде мылтықты тиісті түрде сақтауға міндетті иесі мен оны лақтыруға жол берген ер адамның әрекеті де бар», — деп қосты полицияда.