Алматы облысы Іле ауданында салынып жатқан екі қабатты жеке тұрғын үйде өрт болды. Өртті ТЖМ құтқарушылары «Ауыл құтқарушылары» өртке қарсы құрамасының еріктілерімен бірге сөндірді, деп хабарлайды Almaty.news ақпарат агенттігі.
Өрт туралы хабарлама 112 пультіне түскен. Ашибұлақ ауылдық округінің Нұр-Атакент бақша массивінде орналасқан салынып бітпеген тұрғын емес үй өртенген. Өртті сөндіру кезінде өрт сөндірушілер ғимараттан 27 литрлік газ баллонын алып шығып, жағдайдың асқынуының алдын алды.
Өрт толығымен сөндірілді. ТЖМ мәліметінше, оқиға салдарынан ешкім зардап шеккен жоқ. Өрттің себептері анықталып жатыр.
Құтқарушылар құрылыс жұмыстары кезінде өрт қауіпсіздігі ережелерін сақтау, газ баллондарын дұрыс сақтау және пайдалану қажеттігін еске салады.
Дереккөз: Inalmaty.kz