Алматыда метрополитенде болған төбелеске қатысқан екі адам әкімшілік жауапкершілікке тартылды. Ұсақ бұзақылық үшін әрбір құқық бұзушыға 20 АЕК (86 500 теңге) мөлшерінде айыппұл салынды, деп хабарлайды Almaty.news ақпарат агенттігі.
Қалалық полиция департаментінің мәліметінше, жанжал пойыз қозғалысы кезінде басталып, метрополитен станцияларының бірінің платформасында жалғасқан. Сот екі ер адамды да ұсақ бұзақылық жасағаны үшін кінәлі деп танып, әрқайсысына 20 айлық есептік көрсеткіш мөлшерінде айыппұл салды.
Полицияда қоғамдық көліктегі кез келген агрессия көріністері мен қоғамдық тәртіпті бұзу ерекше бақылауда екенін атап өтті. Ведомство жағдайға қарамастан, мұндай оқиғаларға қатысушылардың жауапкершілікке тартылатынын еске салды.
Дереккөз: Inalmaty.kz