Алматы қаласы Полиция департаментінің баспасөз қызметі хабарлағандай, «Бауыржан Момышұлы» және «Жібек жолы» станцияларында тәртіп сақшылары жолаушылардан кастетке ұқсайтын заттарды анықтады, деп хабарлайды Almaty.news ақпарат агенттігі.
Полиция қоғамдық орындарға қауіп төндіруі мүмкін заттарды алып өту заңнамада көзделген жауапкершілікке әкелуі мүмкін екенін еске салады.
Қазақстанда кастет суық соққы-ұсақтағыш қару деп танылған, оның айналымы мен алып жүруі заңмен тыйым салынған.
Бұған дейін «Абай» метро станциясында жолаушыдан пышақ табылған. Сондай-ақ Алматы полициясы метро жолаушысының сөмкесінен 5,45 миллиметрлік екі патрон табылғанын айтқан. Ал қыркүйек айында қалтасынан заңсыз мазмұндағы орама табылған жолаушы ұсталды.