Бүгін, 2026 жылғы 1 қыркүйекте, оңтүстік астана әкімдігі жақсы жаңалықпен бөлісті: Almaty Marathon ұйымдастырушысы сәрсенбі және сенбі күндері тегін жаттығулар өткізеді, деп хабарлайды Almaty.news ақпарат агенттігі.
Қатысушылар кәсіби жаттықтырушылардың жетекшілігімен жаттығып, жүгіру техникасын жетілдіріп, жүктемені дұрыс бөлуді үйренеді. Тіркелу қажет емес. Сабақтардың нақты уақыты @openrunam Telegram-арнасында жарияланады.
Әр жексенбіде қаланың әртүрлі бағыттары бойынша тегін жүгірулер өтеді. Қатысушылар өздеріне қолайлы қашықтық пен қарқынды таңдай алады. Жүгіруден кейін дайындық, қалпына келтіру, тамақтану және жарақаттардың алдын алу туралы ашық дәрістер өткізіледі. Кесте @runalmatymarathon Telegram-арнасында жарияланады.
Алматы әкімдігі тегін жаттығуларға қатысу үшін ыңғайлы спорттық киім, жүгіру кроссовкалары мен су жеткілікті екенін атап өтті.
Фото: Алматы әкімдігінің баспасөз қызметі
Оңтүстік астана тұрғындары мен қонақтарына 27 қыркүйекте Алматыда мерейтойлық 15-ші Almaty Marathon өтетінін еске саламыз. Оған 60-тан астам елден 16 мың қатысушы жиналады.
2026 жылғы 19 сәуірде Алматыда тоғызыншы Almaty Half Marathon өтіп, 44 елден 10 мыңнан астам қатысушы жиналды. Спорттық іс-шара шетелдік қатысушылар саны бойынша рекорд жаңартты.