27 шілдеде Халықаралық Алматы әуежайының ішкі терминалының ұшу аймағында Brewmark мейрамханасы ашылды, деп хабарлайды Almaty.news ақпарат агенттігі.
Brewmark заманауи кеңістік ұсынады, мұнда жолаушылар сапардың әбігерінен бір сәт алаңдап, жайлы атмосферада уақыт өткізіп, ұшу алдында сапалы ас пен сусындардан ләззат ала алады. Мейрамхананың жалпы ауданы 184 шаршы метрді құрайды, ал зал 54 орынға есептелген. Қонақтардың ыңғайлылығы үшін өзіне-өзі қызмет көрсету киоскілері орнатылған, олар тапсырысты жылдам ресімдеуге және күту уақытын қысқартуға мүмкіндік береді. Халықаралық Алматы әуежайы қызметтер ауқымын кеңейтуді және сервисті жетілдіруді жалғастырып, жолаушылар үшін заманауи, жайлы орта құруда.
Дереккөз: Almaty.tv