Алматы тауларында 16 жастағы жасөспірім 3332 метр биіктікте қалып, құтқарушылар оны төмен түсіруге көмектесті, деп хабарлайды Almaty.news ақпарат агенттігі.
Жасөспірім Скалистый шыңы маңында болған және төмен түсу кезінде сүйемелдеуді қажет еткен. Төтенше жағдайлар департаментінің қызметкерлері геолокация арқылы 2010 жылы туған жасөспірімнің орналасқан жерін анықтап, оны 3332 метр биіктіктен тауып, «Эдельвейс» шлагбаумына дейін шығарып салып, туыстарына тапсырды.
Жасөспірімге медициналық көмек қажет болған жоқ.
Бұған дейін Бурабайда тауда ер адамға нашарлап, құтқарушылардың көмегі қажет болғаны белгілі болды.