Ұлттық қауіпсіздік комитеті Алматыға 32 келіден астам есірткі тасымалдаудың үш әрекетін анықтады, деп хабарлайды Almaty.news ақпарат агенттігі.
2026 жылғы 1 қыркүйектегі комитеттің ресми хабарламасына сәйкес, есірткі Оңтүстік-Шығыс Азия елдерінен келген шетел азаматтарының багажын тексеру кезінде табылған.
ҰҚК деректері бойынша, құқық бұзушылар тыйым салынған заттарды косметикалық өнім ретінде жасырылған ыдыстарға салып тыққан. Багажда марихуана, каннабис шайыры және гашиш майы анықталды.
Сараптама қорытындысына сәйкес, тәркіленген есірткінің жалпы салмағы 32 келіден асты.
Енді үш факт бойынша материалдар процестік шешім қабылдау үшін құзыретті органдарға жіберілді.
Бұған дейін Қазақстанның Ішкі істер министрлігі есірткі желісіне адамдарды тартудың халықаралық арнасын жойғанын хабарлаған. Ауқымды арнайы операция бір жылдан астам уақытқа созылып, бірнеше мемлекет аумағын қамтыды.