Алматыда құрылыс қоқысы арасынан идентификациялық нөмірлері өшірілген тегіс ұңғылы мылтық табылды. Ол сот сараптамасына жіберілді, деп хабарлайды Almaty.news ақпарат агенттігі.
Қылмыстық полиция қызметкерлері Жетісу ауданының полицейлерімен бірге жедел-іздестіру іс-шаралары кезінде қауіпті олжаны тапты.
Қару мұқият жасырылған — оны қызыл футболка мен құрылыс қабына орап, Жансүгіров көшесінің маңына тастаған, — делінген хабарламада.
Ведомствоның Instagram-парақшасындағы ақпарат бойынша, алынған қару сот сараптамасына жіберілді. Мамандар оның атуға жарамдылығын анықтап, мылтықты сәйкестендіруге және оның қылмыс жасауда қолданылғанын тексеруге тырысады.
Қарумен заңсыз айналысу фактісі бойынша қылмыстық іс қозғалды, — деп қосты полицияда.
Қазір полицейлер мылтықтың шығу тегін анықтап, оны жасыруға кімнің қатысы барын анықтауда.
Дереккөз: Nur.kz