«Қазгидромет» мәліметінше, 2026 жылғы 8 қарашада Павлодар, Алматы және Талдықорған қалаларында атмосферада ластағыш заттардың жиналуына ықпал ететін метеорологиялық жағдай қалыптасады, ал түнде Ақтөбе, Астана және Көкшетау қалаларында осындай жағдай күтіледі, деп хабарлайды Almaty.news ақпарат агенттігі.
Қолайсыз метеорологиялық жағдай (ҚМЖ) — бұл желдің басылуы, әлсіз жел, тұман және инверсия сияқты қысқа мерзімді метеорологиялық факторлардың үйлесуі. Мұндай жағдай атмосфераның жерге жақын қабатында зиянды (ластағыш) заттардың жиналуына ықпал етеді.
Бұған дейін синоптиктер Астанада, Алматыда және барлық 17 облыста қауіпті ауа райы құбылыстары туралы ескерткен болатын.