Алматыдағы белгілі жылжымайтын мүлік сайттары Krisha.kz және Korter.kz заңсыз жаңа құрылыстарды жарнамалағаны үшін айыппұл төледі, деп хабарлайды Almaty.news ақпарат агенттігі.
Ведомствоның 2026 жылғы 17 маусымдағы жарияланымына сәйкес, жүргізілген жұмыс нәтижесінде Krisha.kz және Korter.kz интернет-платформаларының операторларына қатысты ҚР «Тұрғын үй құрылысына үлестік қатысу туралы» заңының талаптарын бұза отырып, объектілердің жарнамасын орналастырғаны үшін әкімшілік құқық бұзушылық туралы хаттамалар жасалды.
Заңнамаға сәйкес, көппәтерлі тұрғын үйлерді салу үшін азаматтардың ақшасын тартуға, сондай-ақ осындай объектілерді жарнамалауға уәкілетті органның тиісті рұқсаты немесе заңда көзделген үлескерлердің құқықтарын қорғаудың өзге де тетіктері болған жағдайда ғана жол беріледі. Жоғарыда аталған платформалардағы жарнамада ұсынылған объектілерде тиісті рұқсаттар болмаған.
«Бірінші реттік тұрғын үй нарығында тұрғын үй сатып алу алдында азаматтарға құрылыс салушының үлескерлердің қаражатын тартуға рұқсатының және өзге де рұқсат беру құжаттарының бар-жоғын тексеру ұсынылады», — деп еске салады мамандар.
Салынып жатқан объектілер бойынша рұқсат беру құжаттарының бар-жоқтығы туралы ақпарат алу үшін алматылықтар басқарманың +7 (705) 89 66 000 нөмірі бойынша WhatsApp-арнасына жүгіне алады.
Дереккөз: Zakon.kz