Алматыда алдағы демалыс күндері, 13-14 маусымда, бірқатар қызықты мәдени және спорттық іс-шаралар жоспарланған, деп хабарлайды Almaty.news ақпарат агенттігі.
Басты спорттық оқиға – Қазақстан премьер-лигасы аясындағы алматылық «Қайрат» пен «Атырау» ФК арасындағы футбол матчы. Ойын 13 маусымда сағат 18:00-де Алматы Орталық стадионында өтеді. Бұл талантты Дастан Сәтпаевтың «Қайрат» сапындағы лондондық «Челсиге» кетер алдындағы соңғы ойындарының бірі болады.
LEVEL UP FESTIVAL 2026-да «Ирина Кайратовна», Tynda Music және басқа да танымал қазақстандық топтардың өнер көрсетуі күтіледі. Іс-шара 13 маусымда сағат 16:30-да «Сұңқар» шаңғы трамплиндер кешенінде басталады.
Picnic by Partners арт-фестивалі 13 маусымда сағат 15:00-де есігін ашып, кешке дейін жалғасады. Өтетін орны – Almaty Resort сауықтыру кешені. Бұл ашық аспан астындағы дәстүрлі ауқымды қалалық пикник, онда музыкалық бағдарлама, фуд-корттар және демалыс аймақтары болады.
Kunzharyq тобының жеке концерті 13 маусымда сағат 19:00-де Almaty Central Stand Up Club-та, ал қазақстандық Komancheros тобының Rammstein трибьюті 13 маусымда сағат 20:00-де «Жесть» рок-клубында өтеді.
Алматы театр сахналарында алдағы демалыс күндері келесі спектакльдер күтіледі:
- «Изумруд қаласының сиқыршысы» балалар спектаклі. Уақыты: Сенбі, 13 маусым, сағат 12:00. Орны: «Жас Сахна» театры.
- «Турандот» спектаклі. Уақыты: Сенбі, 13 маусым, сағат 19:00. Орны: «Жас Сахна» театры.
- «Ақшақар мен 7 ергежейлі» балалар премьерасы. Уақыты: Жексенбі, 14 маусым, сағат 12:00. Орны: «Жас Сахна» театры.
Киносеанстар күні бойы жалғасады. Негізгі фильмдердің кестесі:
- «Зверолюция» (6+) – таңғы және күндізгі сеанстар: 10:00, 12:15, 14:30, 17:20;
- «Властелины вселенной» (14+) – күндізгі және кешкі көрсетілімдер: 13:00, 16:10, 19:00, 21:30;
- «Закулисье реальности» (18+) – кешкі және түнгі сеанстар: 17:20, 20:00, 22:45.
Дереккөз: Inform.kz