Астанада Акмешит және Алматы көшелерінің қиылысында көлік қозғалысы 19 қыркүйекте сағат 21:00-ден бастап толығымен жабылады, деп хабарлайды Almaty.news ақпарат агенттігі.
Шектеу жыл соңына дейін сақталады деп жоспарланып отыр. Бұл туралы елорда әкімдігі мәлімдеді.
Аталған учаскеде «Астана қаласының Есіл ауданындағы Алматы көшесі бойынша көлік тоннелін салу» жобасы аясында құрылыс-монтаж жұмыстары жүргізілуде.
Осыған байланысты 19 қыркүйекте сағат 21:00-ден бастап қиылыста көлік құралдарының қозғалысы толығымен тоқтатылады. Қозғалысты шектеу ағымдағы жылдың соңына дейін жалғасады деп күтілуде.
Жүргізушілер мен жаяу жүргіншілерден маршруттарын алдын ала жоспарлап, қозғалысты ұйымдастырудағы ықтимал өзгерістерді ескеру сұралады. Қауіпсіздікті қамтамасыз ету үшін учаскеде жол белгілері мен көрсеткіштер орнатылады.
Бұған дейін Астанада жаңа сегіз жолақты көпір салу жоспарланып отырғаны хабарланған болатын. Сондай-ақ елордада жылыту маусымы қашан басталатыны белгілі болды.